خلي أكلك وبيتك احلى من دلوقتى وطول مانتي متابعة جديدنا هتخلى بيتك وحياتك أحلى طبعا كلنا كل يوم بنفكر إزاي نغير طعم أكلنا وازاى أخلى مطبخى وبيتى جديد عشان كده انا معاكي عشان اخلي اكلك وبيتك أحلى.
افكار هتخلى اكلك وبيتك أحلى
طبعا مفيش واحدة فينا ما بتعرفش تطبخ ولو في واحده مش بتعرف تعمل أكل دلوقت النت واليوتيوب ما خلوش واحدة تقدر تقول أنا مبعرفش أطبخ.
بس في حاجات صغيرة كده ممكن نقع فيها وتبوظ الأكله كلها أو يطلع طعمها مش زي ما كنا متخيلين خلي أكلك مميز والكل يسألك عليه.
عشان كده خلي أكلك ومطبخك يبقى احلى وأنا بقدملك شويه تكات وحركات لو عملتيها هتكوني مميزه باكلاتك و وصفاتك وعلشان توصلي لكده خليكى معايا للاخر.
افكار هتخلى اكلك أحلى
ابهري عائلتك بوصفات شهية ومختلفة
اذا كنت ترغب في إضافة لمسة سحرية لطعامك وتحويل منزلك الى مكان مميز، فأنت في المكان المناسب. في هذا المقال، سنقدم لك العديد من الأفكار الإبداعية والمميزة التي ستضيف طابعا فريدا وجماليا لوجباتك ومنزلك.
تزيين الطعام
تحويل وجباتك اليومية العادية الى اعمال فنية يمكن ان يقدرها الجميع. يمكنك تجميل الطعام بواسطة استخدام الاشكال والحشوات والصلصات الملونة. ابهر ضيوفك بتقديم اطباق لذيذة ومزخرفة.
تنسيق الديكور
لتحويل منزلك الى ملاذ مفعم بالجمال، يمكنك استخدام النسيج اللطيف والوان مشرقة لتزيين الاطقم والستائر والوسائد. لنضفي جو من الرومانسية، رشي على المخدات بعض العطور المنعشة.
الترتيب الجمالي
للأسرة التي تحب ان تعيش في منزل منظم ومرتب، يمكن طرقة اغراض كل فرد في المنزل، وتنظيم الاغراض حسب الاستخدام هو الحل الأمثل لهذه المشكلة.
النباتات الداخلية
تزيين المنزل بالنباتات الداخلية ليس فقط لجمالها ولكنها ايضا تعمل على تنقية الهواء وزيادة شعورنا بالسعادة. عند اختيار النباتات المناسبة، يجب أخذ بعين الاعتبار الاضاءة وظروفها المحيطة.
العناية بالمنزل
رعاية المنزل هي الاساس لاضافة لمسة سحرية له. يمكنك وضع عطر للملابس في خزانة الملابس، والحفاظ على النظافة الدورية للأرضيات والسجاد، وتجديد القطع القديمة في المنزل لتعطيها مظهرًا جديدًا.
علشان أكلك يبقى أحلى اتبعى التكات دى
- استخدامي للكيك كيك شيف دج أفضل من بيكنج باودر.
- لو عايزه عجينه البيتزا تكون طرية معاكى اعجنيها بلبن و زبادي.
- اللبانه الصاج بتشيت اللبن والأفضل اللبانة الألومنيوم.
- تبلى دقيق اي حاجة تقليها زي ( البانية والفراخ والسمك 🐟) قبل القلي هيفرق في الطعام.
- ضيفي على البانيه كوب زبادي هيخلى طري ولى طعم مميز.
- ضعى البطاطس ٥ دقائق في ماء.
- وشويه ملح قبل القلى هيخليها متشربش زيت وتبقى زى الجاهزة بالضبط.
- نشفي أي فينو باقي وحمصية شويه في الفرن و طحنيهم وضيفى عليه(بصل بودر- ثوم بودر- ملح وفلفل أسود - نشا) هيبقى جاهز لقلى البانية والفراخ المقرمشة.
- ضيفى معلقة سكر على أي صلصة🍅بتعمليها فالسكر بقلل الحموضة وبيخلى الأكل مسكر وجميل.
- لو عايزه الأرز بلبن يبقى زي الجاهز بالضبط ضيفي عليه شوية كريم شانتية وشويه لبن بودر وشوية نشا هيفرق كثير فى الطعم و هيبقى زى الجاهز بالظبط.
- حطي شوية بقدونس مفروم مع التوم وإنتى بتخللي الباذنجان المخلل هيبقى طعمه روعه.
- وانت بتعلمي محشي الكرنب حطي على وش الحلة وهو بيتشرب معلقة زبده او سمنة هيبقى بيلمع وطعمه وريحته تحفة.
- ضيفي معلقة من العسل الأبيض إلى تتبيله الفراخ المشوية هيديها لون جميل وطعم مميز.
- وانتي بتسلقي اللحمه حطى التوابل كلها الا الملح حطي في الاخر لانه هيأخر التسوية اما الفراخ حط الملح في الاول مع التوابل عادي.
- بعد ما تطبخى في الحلل فضي الأكل في علب ثلاجة وخذي بالطلب عشان الاكل بيتأكسيد مع الحلل ويغمق لونه.
- لما تيجي تعملي خضار باللحمة اسلقي اللحمة الاول وبعد كده حطيها على الخضار🍲عشان تسوية اللحمه بيكون اطول ونظيف شويه من الشوربه على الخضار ودوقى بقى.
- اعصري على الباميه وانتى بتطبخها لمونه عشان تفضل متمسكه وما تتهريش.
- تسويه الاكل على نار هادئه بيكون احلى اول ما يغلى هدى النار 🥘عليه وغطيه وسيبيه يستوي براحته صدقيني هيفرق في الطعم.
- خلي السلطة بتاعتك تبقى مميزه وضيفي عليها كسبره جافه وبقدونس على باقي المكونات ودوقى الطعام.
- وانت بتسلق الكوارع شوحيها الاول مع معلقه سمنه وواحده مستيكه والحبهان واللورا وباقى التوابل وبعد كده ضيفي بصلة وطمطماية وشويه كرفس وحطي عليها المايه المغليه ودوقى احلى كوارع خذي بالك حطي الملح في الاخر بعد التسوية.
- هاتى التوابل صحيحه واطحنيها في البيت ويكون طعمها احلى وقبل ما تطحنيها حمصيها شويه على النار طعمها هيكون اشد واحلى من الجاهزه.
- وانت بتحطى التوابل على الاكل اعرفي ان كل اكله وليها التوابل بتاعتها يعني ما تحطيش اي حاجه على اي حاجه وحطيها بكميات معقوله لانها لو زادت هيغير طعم الاكل و هيقفد طعمه الأصلي.🍲
- غسلى الخضرة الاول وبعد كده قطعيها لان لو قطعتيها قبل الغسيل هتفقد نص فيتاميناتها وانتى بتغسيلها.
- تبلي السلطة عند الأكل على طول لأن الملح والخل هيخلي الخضار يدبل.
- لما تعملى أكل ويطلع الملح زيادة قطعي بطاطس وحطيها عليه البطاطس هتسحب الملح الزيادة.
خطوات هتخلى بيتك احلى
- غطى أي أكل في الثلاجة ليه ريحة قوية علشان هيكرف على أى حاجة فى الثلاجة.
- بعد إنتهاء شغل البيت ادعكى أيدك بالمونةعشان تشيل أى ريحة غير مستحبة فى ايديك
- خلي الغسيل يطلع علية الشمس عشان الشمس تقتل البكتيريا و مش هتخلى للغسيل ريحة مش حلوه
- ضيفى الخل إلى صابون المواعين هينضف ويلمع المواعين ويطهرها
- اغسلى البوتاجاز كل يوم بصابون سائل و نشفيه بفوطة قطن هيفضل جديد على طول إعتني به زي أي حاجة في البيت
- طاسة القلى بعد كل مره تقلى فيها صفى الزيت في برطمان وغسليها زي أي مواعين عندك عمر الدهون ما تتركم عليها.
- ضعي قطعه فحم في أي مكان له ريحة غير مستحبة زي الجزامة او الثلاجة او الفريزر هتسحب الريحة.
- كل يوم أول أما تصحي افتحي كل شبابيك الشقة عشان تغيري نفس وريحة الشقة و تخرج الطاقة السلبية.
- حاولي تشغلي الغسالة كل يوم مره عشان ما يبقاش في غسيل فى باسكت الغسيل لانة بيكون شكلة مش حلو. وممكن لو في أي حاجة مبلولة هيعمل ريحة مش حلوه خالص.
- لو عندك أي حاجة نحاس أوعى تنظفيها بالمية ادعكيها بليمونة هتخليها تلمع كأنها جديدة.
- لو وقع منك أي زيت على السيراميك رشى عليه ملح و سيبية شوية وكنسية بالمقشة مش هتلاقي أي أثار للزيت
- طلعي البطاطين في الشمس يوم بعد يوم منه تتهوى و تتعقم والهواء هيخلي ريحتها حلوه.
- باسكيت الزبالة لازم يتغسل و يتعقم بعد خروج الزبالة حطي فيه كلور أو ديتول عشان ما يبقاش لي ريحة مش حلوه.
- وانتى بتنضفى أوضة الأطفال ابتدى بالأرض الأول وبعد كده السرير عشان الأرض هي ألي عليها كراكيب العيال كلها إبتدى بالأصعب.
- أما وانتى بتنضفى أوضة النوم ابتدى بالسرير الأول وبعدين الأرض كده هيكون أسهل.
جميل بالتوفيق 😍😍😍
ردحذف